حكايتي اليومين دول

نسيت نفسي في زحمة المرور
و نسيت انا مين و فضلت حولين نفسي ادور
هو انا طير من الطيور
ولا انا سمكة وسط البحور
ولا انا صقر فوق الصخور
ولا انا إنسان جوايا غول
مش عارف أنا فايق ولا مسطول
دورت عليا بين الوشوش
ملقتش فيهم ولا وش بشوش
كله في الهموم هايم
و كله ماشي ولا حد دايم
واللي صاحي ضميره نايم
و اللي فيهم الدنيا لهياه
ولا حاجة فيه بتأثر ولا في حاجة نفعاه
و في الأخر
ملقتش نفسي في كل دول
و فضلت ألف و أدور
بيني كده هفضل متلخبط على طول
لا أنا ماشي على الأرض ولا السما راح اطول
بس اديني عايش مستور
ولا يوم هسأل انا مين ولا عمري حبيت الفضول
انا بس حبيت اقول
ان دي بقت حكايتي اليومين دول