الشعب: الشعب يريد إسقاط النظام
النظام: هو في إيه يا جيمي ؟!
الشعب : يسقط يسقط السفاح
النظام : فهمتكم .... حظر تجول يا أبني
الشعب : هو يمشي مش هنمشي
النظام : من أنتم ؟! ( شكل النهاية قربت ... خليهم يحضرولي قصر شرم )
الشعب : ما تغور بقى
النظام : قرر السفاح التخلي عن الكرسي و وكل مهامه للمجلس العسكري يكش يطفحوه
الشعب : لولولولولوليييي .... الشعب يريد محاكمة السفاح
النظام : العيال دول مورهمش غيري .... واد يا جيمي قبل ما تروح بورتو طرة ابعت هات شريط كاسيت فاضي نسكتهم بكلمتين ( سأحاسب من أراد التنكيل بسمعتي )
الشعب : احنا مستأين ازاي الشريط ده خرج
النظام : الحكاية دي مش بتاكل معاهم ... و بتوع مصطفى محمود بعوني بعد ما صرفت عليهم دم قلبهم ... سوزززززي ابعتي هدومنا و فلوسنا و الكام انتيكة بتوعك شوية في السعودية و شوية إسرائيل عشان هنقفل هنا
الشعب : عاوزين السفاح جنب اهله و اخواته في الكفاح في طرة لاند
النظام : قولوهم عيان
الشعب : طب هات سوزان
النظام : خدوها بس دي في الانعاش و النبي يخويا
الشعب : خلاص المحاكمة بتاعتك انت و اهلك يوم 3 اغسطس
النظام : فتشني فتش
و جيه يوم 3 اغسطس
القاضي : قتلت ليه المتظاهرين يا متهم
السفاح :وأنا مالي هما اللي قالولي
القاضي : سرقت ليه الشعب يا متهم
السفاح : قتشني فتش .... ده الواد جيمي كان بيلعب مع الشعب شقاوة عيال بقى كبر مخك
القاضي : عيل و غلط يا ريس
قضت المحكمة ببراءة المخلوع و اعادته لمنصبه كرئيس للجمهورية و حبس كل من الشعب المصري و شباب الفيس بوك و شباب ميدان التحرير و اغلاق كل من كنتاكي و ميدان التحرير و تحويله الى سجن احمد نظيف
رفعت الجلسة
ليست هناك تعليقات:
إرسال تعليق